WEJANGAN DEWARUCI
BIMO :AKU GUMUN TANPO UPOMO, RUMANGSAKU KAYA WIS NGANCIK JAMAN PATI, BABAR
PISAN AKU ORA NGRASA URIP, JEBUL DAK GEGISIK SARANDU NING BADANKU, NGANTI TEKAN
DLAMAKANING SUKU, ISIH KRASA YEN NGAM BAH BUMI.SIRNA PEPALANGING SAMODRA WUJUDING
NAGA INGKANG ANYAUT PUPUKU , ORA KANTI DAK NYANA NYANA AKU KETANGSANG ANA PULO
CILIK KANG RERENGGANE SARWO ENDAH, KABEH TETUKULAN ING KENE KANG PATING
BENDOYOT, KABEH DUMADI SARONO CAHYO, PARANDENE PEPADANG MAU ISIH KALAH
KEKUWUNGE KALAWAN PEPADANG KANG ANGIRINGI LAKUNE BOCAH BAJANG. MARA GAGE BOCAH
BAJANG KOWE NGAKUO, KOWE IJEN DOLAN ING KENE SAPA KANG NGETERKE, LAN GANEYO KOWE ORA KASANGSOYO POLAHE PARA MINO KANG NGELAK NGAGAK AGAK KEPENGIN NGOMBE GETIHE MANUNGSO.
DEWORUCI: WERKUDORO, WERKUDORO,
SIRO OJO GUMAMPANG LUNGO YEN DURUNG NGAWRUHI PAPAN KANG BAKAL KOK JUJUG. OJO
GAMPANG MEMANGAN YEN DURUNG NGAWRUHI ROSO PAEDAHE KANG DIPANGAN. OJO PISAN
MANGANGGO YEN DATAN NGAWRUHI CARANE NGRASUK BUSONO. NGIBARATAKE ING NGUNI ONO
JEJUGUL SOKO WUKIR, ANGGONE LUNGO MENYANG PROJO KEPENGIN TUKU KENCONO, BANJUR
NJUJUG ING KEMASAN, MUNG DIWENEHI DLUWANG KUNING DI ANGGEP SAWIJINING KENCONO
MULYO. MULO KULINAKNO MAHASING ASAMUN NGGATEKNO MARANG NGELMU REWES KANG SARTO
TUWAJUHO UTOWO KUSYUK MARANG PANEMBAH. MANUNGSO WERUHE KRONO TETAKON, BISANE
KRONO NENIRU, PINTERE SABAB KULINO. KAWRUHONO WERKUDORO, ULUN IKI DEWANING
KABAHAGYAN, DENE BEBISIK ULUN SANG HYANG BATORO DEWORUCI YO SANG MARBUDYENG RAT.
KETERANGAN
GONGSO
LAJENG AYAK AYAKAN NULI KASIREP, KAJAN TUR.
GYO LENGGAH
SATOTO SANG BROTOSENO SILO ANG GEDEPES MABUKUH WADONO KONJEM PRATOLO MANEMBAH
SESEDOKAN TEKO MANGKONO SABDANING SANG DEWORUCI.
DEWORUCI: WERKUDORO,
LUWIH DISIK SATOTOA.
BIMO : INGGIH NGESTOKAKEN DAWUH PUKULUN.
KETERANGAN : GONGSO
SIREP WUDAR LAJENG SUWUK
BIMO : SADERENG LAN SASAMPUNIPUN TITAH PUJANGKORO
PUN WERKUDORO, NGATURAKEN SUMUNGKEMING PANGABEKTI KULO MAWANTU WANTU KONJUKO
PADUKO SANG BATORO,INGGIH SANG MARBUDYENGRAT.
DEWORUCI; IYO
IYO WUS ULUN TOMPO, KITO ATUR PANGABEKTI. KEJOBO SOKO IKU WRKUDORO, OPO TO
SABABE DENE JENENG KITO LILO TILAR KAMUKTEN PROJO, HAMILULU MAHASING ASAMUN
TEKAN KENE, OPO INGKANG SIRO UPADI. ING KENE SAYEKTI DUDU PAPANING KAMULYAN,
ING KENE DUDU PAPANING KAMUKTTEN, INGKANG ONO AMUNG PIRANG PIRANG KANG SEJATINE DUDU PIRANTINE MANUNGSO , OPO
ORA JENENG KECELIK LEKASMU KANG KOYO MANGKONO WERKUDORO.
BIMO : DUH
PUKULUN, AWRAT NGEMBAN DAWUHING SANG GURU, ANGGEN KULO KEPENGIN ANGREGEM
ANDARAN SAMPURNANING DUMADI, PARI KEDAH KULO ANGULARI WUJUDING RERUPAN INGKANG
WINASTAN “TIRTO PAWITRO MAHENING SUCI”. SANGET KALUHURAN DENE KULO
PINANGGIH LAN PADUKO PUKULUN, KEPARENGO PADUKO ANEDAHAKEN PUNDI INGKANG
WINASTAN TIRTO PAWITRO MAHENING SUCI.
DEWORUCI: WERKUDORO, MAPAN
KUDU JENENG KITO INGKANG WAJIB MIRENGAKE PIRO PIRO KEHING WEWANGSON ULUN,
KANG MAGEPOKAN KLAWAN KANG SIRO UPADI.
SEPISAN, BANGET
BANGET SUMENGKANING ATIMU PARI KUDU SIRO KEPENGIN ANGREGEM NGELMU SAMPURNANING
DUMADI IKU OPO BENER WERKUDORO, AMAR GO, SAMPURNANING DUMADI IKU MAU ORA MBUTUHAKE PIRANTI PIRANTI INGKANG GUMELAR ING JAGAT IKI. YEN URIPING MANUNGSO ISIH
NGGUNAK AKE DOYO PANASING SURYO, DOYO SILIRING ANGIN, DOYO SEGERING WARIH, LAN
ISIH NGAMBAH BUMI, KASONGANING AKOSO, MANUNGSO DURUNG BISO SINEBUT SAMPURNO.
JALARAN, MAPAN IYO KANG ANYIPTO JAGAT SAISINE IKI KANG WENANG SINEBUT
SAMPURNO. NADYAN ONO MANUNGSO KANG BISO NGUKUR JEMBARING LANGIT, NGETUNG
CACAHING LINTANG, MANUNGSO MAU YEN DITLUSUR TETEP ONO KUCIWANE, DADI KANG ORA
CACAT LAN ORA KUCIWO AMUNG PURBANING KAWOSO.
BANJUR GENEP INGKANG ONGKO LORO, SIRO
ANGULARI TIRTO PAWITRO MAHENING SUCI, KENE ORA ONO WERKUDORO, EWODENE TEMBUNG
SANEPAN INGKANG PINARINGAKE DENING GURUMU MARANG SIRO KULUP, MANGKENE MUNGGUH
JLENTREHE SARTO WERDINE, PIYARSAKNO YO NGGER.
BIMO : KAWULO NUWUN NGESTOKAKEN DA WUH.
DEWORUCI: *KANG
SINEBUT TIRTO KUWI BANYU, GUMELARE
DADI PANGURIPAN. ING NGENDI PAPAN ONO TIRTO MESTI ING KONO ONO PANGURIPAN
*PAWITRO
TEGESE BENING. DADI BANYU BENING ORA MUNG DISAWANG SOKO WENINGE BANYU,
NANGING UGO DIJUPUK DOYO GUNANE KANGGO NGURIPI SADENGAH TITAH, ORA NGEMUNGAKE
INGKANG ASIPAT MANUNGSO, SANADYAN KUTU KUTU WALANG ATOGO URIPE ORA BISO
DIPISAHAKE KLAWAN KANG SINEBUT TIRTO.
*MAHENING
SOKO TEMBUNG LINGGO MOHO LAN HENING, MANGKONO GUMELARE MUJUDAKE SAWIJINING
KATENTREMAN LAHIR LAN BATIN
*DENE
SUCI TEGESE KINALISAKE ING SALIRING DEDOSAN, DENE MUNGGUH CETANE, JRONING
URIP SIRO NGUDIO MARANG PANGURIPAN KANG SAMPURNO, KANG BISO ANDAYANI
KATENTREMANING LAHIR LAN BATIN, SARTO BISO NGIPATAKE PIRANG PIRANG DEDOSAN,
MANGKONO KANG SINEBUT SUCI. NANGING OPO KANG ULUN ANDARAKE MAU SATEMENE DURUNG
SINANDANG ING SADENGAH MAKHLUK, SEPRONO NGANTI SEPRENE AMUNG KANDEG DADI POCAPAN
SARTO GEGAYUHAN. LAN MENGKO GAMBLANGE YEN SIRO KEPENGIN BAKAL NYUMURUPI URIP
LANGGENG KANG TENTREM LAN SARTO KALIS SALIRING RUBEDO IKU, YEN WUS SIRO BISO
HANGUNGAK OPO KANG INGARAN ALAM JATI.
BIMO : LAJENG WONTEN PUNDI PAPAN DUNUNGIPUN ANGGEN
KULO BADE ANGUNGAK DUNUNGING ALAM JATI, PUKULUN.
DEWORUCI: ORA
BISO KOK SAWANG SARONO NETRO , NANGING AMUNG BISO KADULU SARONO CIPTO.
BIMO : DUH PUKULUN, BABAR PINDAH MUGI KEPARENGO
PADUKO PUKULUN PARING PEPAJAR DUMATENG PEPETENGING MANAH KULO. HAMBO INGKANG
RUMAOS TAKSIH CUBLUK BALILU KADI DENE DUWUNG INGKANG TANPO WRONGKO. HAMBO PASRAH
JIWO ROGO ING PADUKO.
DEWORUCI:YEN PANCEN
BENER MANGKONO PANGUCAPMU KULUP, BISANE TUMULI NYUMURUPI MORO GAGE SIRO MANJINGO MARANG GUWO GARBO ULUN.
BIMO :DUH PUKULUN KADOS PUNDI ANGGEN KULO SAGET LUMEBET ING BADAN SALIRO PADUKO, JER WUJUD
PADUKO NAMUNG LARE BAJANG, MONGKO BADAN KULO AGENG KADI GUNUNG.
DEWORUCI: WERKUDORO.
SEPIRO GEDENING AWAKMU YEN KATANDING KLAWAN JAGAT SAISINE IKI, ULUN NADYAN
KATONE CILIK NANGING SEJATINE GEDE BROTOSENO. SEDENG JAGAT SAISINE IKI BISO
KAWENGKU DENING ULUN OJO MANEH MUNG JENENG KITO. DALAN KANG PRAYOGO BISANE
TUMULI SIRO GAMBLANG KANG SIRO UPADI, MANJINGO ONO GUWO GARBO ULUN, METUO
TALINGAN ULUN INGKANG SISIH KERING.
KETERANGAN : GREGET
SAUT ADA ADA LAJENG POCAPAN :
LEGEG
TYASING SANG BROTOSENO DUPI NAMPI DAWUHING SANG DEWORUCI, MIJIL TALINGANING
SANG DEWORUCI SISIH KERING, SAKSONO SANG BROTOSENO MANJING ANGGANIRO SANG
DEWORUCI
POCAPAN :
KOYO DENE
HAMIYAK CAHYO KANG WENING,ANGUNGKAP WIWARANING PEPETENG SANG BROTOSENO WUS
BANGKIT MANJING JRONING GUWO GARBANING SANG RUCI BATORO, PUNGUN PUNGUN TYASING
SANG BIMO SENO MANJING PAPAN INGKANG NGAWANG NGUWUNG TANPO TEPI TAN WRUHING
KEBLAT.
BUKO CELUK: KET. RAJASWALA SL.9. …….SURYO……… CONDRO ………….
GONGSO SIREP
:………..
OM AWIGENAM
HASTU, MUGI RAHAYUO SAGUNG DUMADI,
AYEM TENTREM
JENJEM JRONING TYAS SANG WERKUDORO, DUPI WUS KASEMBADAN MUKSWENG JRO GUWO
GARBANING SANG MARBUDYENGRAT ANENGGIH SANG BATORO DEWORUCI. SAKEDAP-SAKEDAP KEBAT
ANDULU SAKEDAP-KEDAP TUMLAWUNG, NYUMERAPI PINTEN-PINTEN KAWONTENAN INGKANG
DAHAT ANDUPORO INGKANG SALAMINIPUN DUMADOS KATEMBEN PUNIKO DIPUN SUMERAPI, LON
LONAN ATURIPUN SANG WERKUDORO KONJUK SANG DEWO RUCI
BIMO : DUH PUKULUN,.
DEWORUCI: OPO
WERKUDORO
BIMO : KULO PUNIKO GESANG WONTEN PUNDI
DEWORUCI: UCAPMU KANG
MANGKONO NGGUNAKAKE TONDO YEKTI OPO
BIMO : KULO NYUMERAPI PAPAN JEMBAR NGLANGUT INGKANG
TANPO TEPI, PADANG TANPO WAYANGAN, SARTO PADANG HANELAHI INGKANG MBOTEN KENG ING
DAYANING SURYO, LAN KULO MBOTEN NGERTOS KEBLAT LER, KIDUL WETAN KILENING
PERNAH, NGANDAP MIWAH NGINGGIL, NGARSO TUWIN PUNGKUR, MENOPO DENE KULO RUMAOS
SAGET ANGUCAP, TAKSIH SAGET ANDULU, TERWOCO PAMIRENG KULO, MENIKO WONTEN ALAM MENOPO PUKULUN.
DEWORUCI: NANGING
ORA ANTUK DAYANING SURYO , KANG ONO AMUNG SWASONO JENJEM AYEM TENTREM YOIKU
KANG SINEBUT ING LOKABAKA. LOKA TEGESE ALAM, BOKA TEGESE LANGGENG, IYO ING KONO
INGKANG SINEBUT ING ALAM JATI, IYO ING ALAM LANGGENG. RASAMU KANG NGUNGUN
DISABABAKE BISO NYUMURUPI GUMELARING KANG KADULU ING NETRO NANGING OPO TO
SABABE SIRO BISO RUMONGSO ANGUCAP ANDULU SARTO MIYARSAKAKE NANGING ORA BISO
NYAWANG MARANG AWKMU DEWE, IYO INGKANG MANGKONO IKU KANG SINEBUT JAGAT
LAGNYANA, SIRO URIP ONO JAGATING PATI, POMO SIRO NGRUMANGSANI MATI NANGING
SEJATINING URIP, YOIKU KANG SINEBUT ING JAGAT LAGNYANA
BIMO : INGGIH,
MAKATEN AGENGING MANAH KULO TANPO UPAMI, KULO TINGALI SARWO CETHO SARTO NGEGLA,
KULO NYUMERAPI URUP SETUNGGAL NANGING CAHYANIPUN WOLU, MENIKO DAYANING MENOPO
MIWAH SATUNG GALING MENOPO PUKULUN.
DEWORUCI: IYO,
URUP SIJI KANTI CAHYO WOLU MAU , KENO SINEBUT PONCOMOYO, PONCO SING DIKAREPAKE
ING KENE DUDU LIMO NANGING WARNO. DENE CAHYO WOLU MAU CAHYO DAYANING URIP IYO
LAHIR IYO BATIN, YOIKU : CAHYANING
SURYO, CONDRO, KARTIKO, MENDUNG, BUMI, GENI, BANYU, ANGIN.
BONDO JAGAT
WOLU CACAHE SAYEKTI ING KONO INGKANG BISO NEMTOKAKE RUMAGANG TUMITAHE SAGUNG
DUMADI, MUNGGUH KATRI CAHYO YOIKU ING KANG SINEBUT CAHYANING SURYO, CONDRO,
KARTIKO, BAKAL AMBABAR WIJINING MANUNGSO, YOIKU BAKAL AMBABAR ALUSING MANUNGSO,
EWODENE DAYANING PATANG PREKORO YO CAHYO PATANG PREKORO YOIKU CAHYANING BANYU
BUMI GENI ANGIN, KUWI BAKAL MUJUDAKE KAWEDAGANE MANUNGSO. PEPITU KANG WUS PODO
NYAWIJI KANG MANGKONO SINEBUT NUNGKAT GAIB. NUNGKAT IKU TEGESE WIJI, GAIB IKU
TEGESE SAMAR, YOIKU WIJINING MANUNGSO KANG MAKSIH KINANDUT ONO JRO GUWO GARBO,
SADURUNGE DILAI RAKE MAKSIH SAMAR ANGGONE PODO NGARANI, SIPATE JALU OPO
PAWESTRI.
BIMO : PIKULUN
DEWORUCI: OPO
WERKUDORO
BIMO : KULO NYUMERAPI KADOS GEGANTANING PRATIMO
GADING PUNIKO PUNOPO PUKULUN
DEWORUCI: KAWRUHONO
WERKUDORO, YOIKU SEJATINING SIRO, SIRO ING KENE SING DAK KAREPAKE KABEH
BEBRAYAN SAGUNG DUMADI, NADYAN IKU DURUNG GUMELAR KANG SARTO DURUNG DUMADI,
NANGING BISO URIP, URIP ORA KENO DOYO WOLUNG PREKORO, NANGING URIPING
PRAMONO. DENE MUNGGUH URIPING PRAMONO MONO SAYEKTI KASURUNG DENING DAYANING
SANG HYANG SUKMO.
SANG HYANG
SUKSMO KANG BISO AMBABAR DAYANING PRAMONO WEKASAN MANJING MARANG MANUNGSANE,
TEMAH DADI URIP. MULO SANADYAN SANG HYANG SUKSMO ORA BISO KADULU , NANGING WIS
BISO KARASAKAKE. NADYAN ROWA BIROWO MANUNGSO BISO DARBE KAROSAN, BISO
ANJUNJUNG GUNUNG, NANGING YEN KONCATAN SANG HYANG SUKSMO, SAYEKTI NGALUMPRUK
DATANPO DOYO LAN SEDYO, WEKASAN YO ING KONO INGKANG NGANCIK ALAM ANTOKO.
BIMO : KULO NYUMERAPI CAHYO SEKAWAN WARNI, CAHYO
LANGKING, CAHYO JENAR, CAHYO REKTO, CAHYO SETO, PUNIKO PUNOPO PUKULUN
DEWORUCI:IYO
WERKUDORO. CAHYO PATANG PREKORO MAU DUMADI SOKO HOWO PATANG PREKORO, YOIKU :
INGKANG
ABANG PANYURUNGING KANEPSON, INGKANG IRENG PANYURUNGING KASANTOSAN, NANGING
DUWE WATAK BRENGGEH. INGKANG KUNING PANYU RUNGING WATAK PEPENGINAN, NANGING
DARBE WATAK JAHIL. INGKANG PUTIH PANDEDERING WATAK SUCI.
DENE TETELU
CAHYO ABANG KUNING IRENG MAU, TANSAH ANGRUBEDO LAKUNING CAHYO KANG PUTIH.
CAHYO PUTIH KANG IJEN DATANPO ROWANG YEN KURANG TETEG SARTO MANTEP, ORA KUWOWO
MERANGI SALIRING PANGGODA TELUNG PREKORO. CAHYO PUTIH MAU GAMPANG DIKALAHAKE,
NANGING YEN TO CAHYO PUTIH MAU NGADEGE JEJEG ADEDASAR ADIL, TETELU CAHYO KANG
PODO NGRUBEDO MAU BISO KENTAS KABRASTO DENING DAYANING CAHYO KASUCEN.
BIMO :MENAWI MEKATEN KEPARENGO KULO MAPAN ING
NGRIKI SALAMINIPUN, MBOTEN WURUNG MENAWI KULO WANGSUL ING ALAM KEWADAGAN, BADHE
KEBAK ING PANANDANG, KANTENAN MENAWI WONTEN NGRIKI KULO SEPEN ING PINTEN
PINTEN PANANDANG.
DEWORUCI: ELO.
LO WERKUDORO, IKU DUDU LEKASE SATRIYO TOMO, INGATASE SATRIYO MONO KUDU WRUH
MARANG KUWAJIBANE SATRIYO. KAWRUHONO DENE SIRO ULUN LILANI MANJING GUWO GARBO
AMUNG HULUN PARENGAKE ANGUNGAK, NANGING DURUNG ULUN PARENGAKE MAPAN ONO ING
KONO, NGENTENONO WASESANING MONGSO KOLO, LAN OJO NGGELAK MONGSO, SARTO
ANGGEGE WANCI, MORO GAGE MIJILO SOKO GUWO GARBO.
KETERANGAN :
GANGSO
LAJENG SAMPAK WERKODORO MEDAL SAKING GUWO GARBO
BIMO ; HEEM…,PURUN
MBOTEN PURUN KULO KEDAH NGRAOSAKEN PANANDANG
DEWORUCI: JER MAPAN
KUDU MENGKONO DARMANING TITAH KUDU MAKARTI ADEDASAR KADIWASAN KANG ONO ING
DEWEKE. SIRO SAWIJINING SATRIYO YEN TO DATAN NGAWRUHI KUWAJIBANING SATRIYO,
JENENG NISTO ARANING SATRIYO. MULO KULUP ING PANGROSO TANPO GAWE, YEN SIRO
KULUP KESUWEN MAPAN ONO NGABYANTORO ULUN, TUMULI BALIYO MARANG PROJO TULUNGONO
GURUMU PANDITO DURNO KANG MENGKO BAKAL LAMPUS DIRI NYEMPLUNG SEGORO.
BIMO ; INGGIH, AMUNG PANGESTU PADUKO INGKANG KULO
SUWUN.
DEWORUCI: SESANTIKU
HAYU HAYU RAHAYU LULUS RAHARJO LAKUMU
** POCAPAN**
PURNO
WEJANGANING SANG DEWORUCI TUMANDUK MRING SANG WERKODORO. PINONGKO TONDO YEKTI,
SANG BIMO PINARINGAN BUSONO, OPO TO SANDA NGANE ?,
GELUNG
MINANGKORO CINANDIRENGGO ENDEK NGAREP DUWUR MBURI, PUPUK MAS RINEKO JAROTING
ASEM, SUMPING PUDAK SINUMPET, ANTING-ANTING PANUNGGUL MANIKING WARIH,
SANGSANGAN NOGO BONDO, GELANG CONDRO KIRONO, KELAT BAU KENCONO WINANGUN
BALIBAR MANGGIS BINELAH TEKAN KENDAGANE, KAMPUH POLENG BANG BINTULU, PANINGSET
CINDE BORO BINELAH NUMPANG WENTIS KANAN KERING, CLONO CINDE WILIS KINANCI NGAN
PORONG ENDASING NOGOROJO. SAMONO WUS
SAMPET BUSANANE. SANG GURU GYO NGRANGKUL LUNGAYANIRO SANG WERKUDORO KANG SARTO
DU MELING SALIRING GOIBING ALAM, SAMI SAKOLO PADANG SUMRINGAH MENCORONG
PASURYANING SANG BIMO SENO WUSNYO ANTUK WAHYUNING ILLAHI. KOYO DENE KEMBANG
KANG NEDENG MEKAR NGAMBAR GONDO ARUM
MAWEH KAENDAHAN NGEBEKI JAGAT ROYO, TEMAH PLASSS…….SANG BIMO MIJIL SAKING
GUWO GARBANING SANG DEWORUCI YO SANG MARBUDYENGRAT WANGSUL DATENG ALAM KASUNYATAN
MAPAN
GISIKING SAMODRA.
sugeng dalu,mator nembah nuwun postingipun migunani sanget
BalasHapus