WAHYU TOPENG WAJA......3

Sendon …………

Lagi eca wawan sabda , Horeg kang samya sume wa, o….gegering pasewakan. Kathah samya nar ka. Won ten Dwiradameto..pedot king wantilan. Saweneh anarka. Ku da tilar pandengan..glis nin dya mantri. Gya haniti priksa. Darunaning gita. Wus nya uningeng gati..o…gya konjuk ngarsen dra…oooo……( gangsa ayak ayak nem ) kasire p lajeng kajantur.

Janturan

Repepeh repepeh yayah sato haminggah krama, lir sato ametarangan. Ketingal sowaning naren dra ing Trajutrisna nenggih Prabu Boma Naraka sura. Ketingal lumaksana andadap lengkeh leng keh angeka pada. Dupi marak mangarsa mang sah lenggah sumembah, tumungkul amarikelu kaya konjema pratala mukane.

Kocaaap ,…sanggya para sumewa pating klesep pating klesik pada sabawa jawil jinawil sami rowang,.. ing batos sami ngudaraos, apa baya wigatine dene narendra Trajutrisna Boma Nara kasura ketingal marak ing narsa nata. Ketingal sumengka pengawak bajra. Kagyat Prabu Sri Batara Kresna, sigra angawe dateng keng putra. Teka kaya mangkana wijiling pangandika ingka ng dereng kawiyosing lesan.

Suluk patet nem.

Bayangan bayem bayeyet. Agung ngrembu yung  rowe rowe ring rawan, o… Kara taru tu ri. ka ran dang gondang gedondong. Ndende ng asanding. dung dungan gude. Benguk ben guk manguk ma nguk , o…… o……

Boma              :  Kula nuwun, amit pasang kaliman tabik sinabeta ing ila duni linepatna ing tu lak sarik.

Duh dewoji. Putra paduka pun Boma ingkang Cumantaka minggah ing sitinggil marak wonten ngarsa paduka dewaji. Kawula nuwun , nuwun.

Kresna          :  Putraningsun kulup Boma Nara kasura. Pada kanthi raharja sowane sira kulup marak ana ngarsaning panjenenganingsun.

Boma              :  Kawula nuwun inggih. Nuwun. Lulus raharja pisowan kula nir baya nir sangsaya dewaji. Wangsul kula ngaturaken pangabekti mugi konjuk wonten ing sahandap pepada paduka dewaji , kawula nok non nuwun.

Kresna            :  Iya iya kulup Boma, wus ingsun tampa sira ngaturake pangabekti. Pangestuku tampanana.

Boma               :  Kacadong tangan kekalih kapundi dadosa jejimat paring pangestu paduka njeng dewaji. kawula nok nok nok non

Baladewa       :  Uiii lah dalah. Anak anung anindita, kulup Boma ingkang sowan ngger Boma, pada raharja sasowanmu ngger…???

Boma             :  Inggih wa Prabu ing Mandura dateng kapundi paring prembage paduka wa Prabu . Wangsul sungkem kula mugi konjuk.

Baladewa       :  Iya iya kulup wus ndak tampa. Waah anaku lanang. Suwe ora ketemu mundak lemu bocah iki. Kala mangsa tilika myang Mandura ya ngger.

Boma               :  Inggih pangestu paduka kanjeng uwa Prabu. Sanes wekdal kula sowan.

Kresna          :  Kulup, Suteja. Sawise satata anggonira ngadep ana ngarsaningsun. Ana wigati apa katon sumengka pengawak bajra, gita gita amengku gati kulup.  Narakasura .

Boma            :  Inggih dewoji, sowanipun ingkang putra paduka ing Trajutrisna kejawi kula nga turaken pangabekti, ingkang wigatos kula bade unjuk uninga dateng paduka dewaji.

Kresna            :  Matur apa kulup..??.

Boma               :  Estonipun ingkang putra Boma menika gadah krenteg utawi gadah pikajengan, namung pikajengan kula kala wau tangeh lamun badhe maujud menawi tanpa wonten pangestu tuwin pambiyantu saking paduka njeng dewoji.

Kresna            :  Sira kulup bakal darbe kekarep an apa ?

Boma         :  Ningali sesambetanipun dewoji kaliyan paman paman punden kula Pandhawa, siyang ratri ingkang tanpa pegat amung tansah tetunggilan, ibarat kados dene renggang gula kumepyur pulut, namung tansah daya dinayan ingantawisipun Dwarawati kaliyan Ngamarta, bantu binantu ingantawisipun dewoji kaliyan paman paman Pandhawa.

Sesambetan ingkang sae kala wau pangraos kula sampun ngantos kendel namung wonten paduka dewoji , nanging mugi lumuntura dumateng putra paduka pun Boma Narakasura. Saget nyambet dateng lelabetan paduka tumrap dateng paman paman kula Pandhawa. Ing mangka kula ngertos wekdal mangke paman Pandhawa bade hangayati dumateng jangkaning jagat ingkang nyebat aken baratayuda jaya binangun. Isining baratayuda tan asanes namung kejawi yudaning para paman kula kurawa tuwin paman kula Pandhawa. Ingkang menika dewoji, kepengin sanget putra paduka pun Boma, badhe nderek sabiyantu dumateng paman Pandhawa, mboten ketang klungsu klungsu menawi kula menika nderek udu, kepengin badhe madeg senapati, nyenapateni dumateng paman paman kula para Pandhawa mbenjang tumapaking baratayuda dewoji.

Kresna            :  I  …i…iiii,ya jagat dewa batara. Kulup. Boma

Boma             :  Kula nuwun , wonten dawuh.

Kresna           :  Luhur temen gegayuhaning sira kulup. Boma.  Sira  kulup bakal nyambung lelabu haning pun bapa tumrap marang pamanira para Pandhawa, lan sira wus nyumurupi bakal teka jangkaning jagat, baratayuda jaya binangun, kepengin bakal nyenapateni klawan pamanira Pand hawa.

Boma               :  Kawula nuwun inggih.

Kresna            :  Boma

Boma               :  Nuwun kula.

Kresna         :  Mokal menawa sira kulup ora nyumurupi. Katemben wae pepundenmu Pendha wa wus klakon misuda senopati, ingkang kabiwadha yaiku kadangmu ing Pringgondani, kaki Pra bu anom Gathutkaca. Menawa sira kulup nyuwun kepengin dadi senopati ibarat udan kang salah mangsa, galudug kang muni ketiga.

Kena apa ora mbiyen biyen sadurunge ana wisudan, sira kulup matur marang pun bapa. Tangeh lamun kelakone menawa sira kulup bakal nyuwun dadi senopati sabab wis ana senopatine. Mangka senopati kuwi ibarat kaya dene kusir angusiri marang lakuning rota, ora nana ngger kusir kok loro iku ora ana. Awit yen to nganti ana kusir loro, yekti bakal gawe bingung si jaran ng gone bakal narik lakuning rota.

Boma      :  Inggih. Kaluhuran sabdanipun dewoji. Estonipun pun Boma ugi sampun midanget bilih pepunden Pandhawa sampun kelampahan amisuda senopati kadang kula ing Pringgondani yayi Prabu Gathutkaca ingkang sampun kelampahan kabiwadha. Mila ngantos kula kumewat nggadahi panyuwun , karana inggih mawi dasar anggen kula nguningani dateng kadang kula ing Pringgondani kala wau. Mboten nama kula menika kok ngepal mustaka ngilani dadanipun ka dang kula Pringgondani menika mboten. Ingatasipun pepunden Pandhawa menika sampun kalo keng rat kedhunging kasekten, uleganing kadigdayan, kenging menapa milih senopati kewala kok namung trimah Gathutkaca. Mangka menawi kula ukur, dewoji,,, yektos dereng sepintena menggah kawontenanipun kadang kula ing Pringgondani, menawi katanding kaliyan pun Boma. Waaah bumi kaliyan langit. Buminipun Gathutkaca, langitipun ingkang putra pun Boma. Krana menapa ? kaukur saking tataraning darajat, inggil Boma katinimbang Tetuka. Buktinipun, Tetu ka menika namung atmajaning satriya limrah, sareng pun Boma, kula menika atmajaning ratu tur to turun dewa. Dados,…. ukuraning darajat taksih inggil pun Boma.

Kaping kalih nitik saking yuswa menika sepuh Boma tinimbang Gathutkaca. Nyatanipun, lare Pringgondani menika dereng ical pupuk lempuyangipun, sepinten kadigdayanipun lare Pringgon dani. Mila ,…. Agenging pangeman kula dumateng asmanipun pepunden kula Pandhawa menawi ngantos menika mangke mindho damel, hawit ,..saking kirang kiyat kawontenanipun kadang kula ing Pringgondani mila ngantos kula wantun gadah panyuwun kados mekaten dewoji.

Baladewa  :  Ngko sik……..yayi Prabu..

Kresna       :  Kula wonten dawuh.

Baladewa  :  Keparenga pun kakang bakal nyambung marang ature putramu ing Trajutrisna.

Kresna       :  Inggih ,  …sumangga kaka Prabu.

Baladewa  :  He…. Kulup….Boma

Boma         :  Kula wa Prabu.

Baladewa  :  Mengko disik ngger…olehmu matur mau apa wis tok limbang luwih disik, bebasan waton muni apa mung muni waton.

Yen muni waton , kuwi sadurunge muni wis ditata luwih disik, wis ditraju luwih disik. Nanging yen mung waton muni, iku mung golek legane dewe sing tanpa dipikir kanthi genep.

Saka pangrasaning pun uwa,  kok rada kurang prayoga aturmu mau ngger, kurang pener atur mu mau. Olehmu golek dasar kok cetha banget tok golek goleki, ngremehake banget marang ka dangmu ing Pringgondani , ngluhurake marang sira kulup Boma dewe.

Sumurupa ya ngger…pamanmu Pendhawa misudha marang adimu ing Pringgondani mau ora mung ampyak awur awur, nanging wus mawa petung, mawa tetimbangan. Sakabehing wong kang misuda marang sawijining wong kuwi wis mawa dasar. Nganggo dasar lelabuhan, tur sing ngrembug ora mung siji loro nanging, Para pamanmu Pendhawa kang wus sahabipraya manunggal rembug kalawan para wakil wakiling para kawula ing Ngamarta.

Tumrap bakal misuda wong, undaking drajat kuwi saka lelabuhan. Nitik lelabuhaning bocah Pri nggondani kuwi ora setitik. Mokal yen sira kulup ki ora eling, ingatase Gathutkaca lagi umur seta hun wae wis disraya dening dewa, nyirnakake narendra saka ing Gilingwesi, Prabu Kala Precona biyen. Durung lelabuhan liya liyane ngger.

Ora kok mbanjur sira kulup ngaturake ing bab tataraning drajat duwur Boma tinimbang Gathut kaca. Ndak akoni pancen sira kulup kuwi pancen turun dewa, atmajaning ratu. Tetuka mung sawenehing atmajaning satriya, nanging….nadyanto mung anake wong cilik yen pancen gede lelabuh ane kuwi pantes winisudha, pantes diwenehi kapercayan. Hla mbok yo turun dewa tur anak ratu pisan to, yen durung katon lelabuhane kuwi apa ya pantes diwisuda? Ora kok jeneng pun uwa iku ngungkat ungkat marang sira kulup Boma kuwi ora. Nanging, mara coba eling elingen , lan petungen, nalika kapan kok sira kulup Boma labuh marang Pendhawa kuwi nalika kapan? Mara coba…Mangka umure genah tuwa kowe, ning nyatane sepisan wae sira kulup durung tau labuh marang pamanmu Pendhawa. Ingkang mangkono ya ngger…aja nganti aturmu mau keprungu marang  pamanmu Pandhawa , gedene kepireng klawan kadangmu ing Pringgondani, mundak gawe seriking adimu ing Pringgondani ya ngger…….eman eman kowe atmajaning kadangku ing Dwarawati, yen nganti ana apa apa, sing bakal kelepetan ala ora mung pun rama, nadyan pun uwa semana uga. Mula , aku mung derma ngelingake marang sira kulup, Boma.

Nggeeer ,…ya wis trimaa wae, wektu iki kapercayan lagi tumiba marang adimu ing Pringgondani, sapa ngerti mbesuk tumimbaling kapercayan marang sira kulup Boma Narakasura.

Sitik ana dongeng,…tak jupuk saka babat Ramayana. Nalika Prabu Rama bakal kongkonan marang Kraton Ngalengka. Wanara rebut ngarep kepengin diutus marang Prabu Rama. Sing cetha wae ing antarane Anggada lan Anoman, kepengin saguh kautus marang Prabu Rama. Nalika semana nganti dadi daredah ing antarane Anggada klawan si Anoman, ingkang banjur pinisah klawan Prabu Rama.

Tumibaning pamilih marang si Anoman, Angga da dielingake. “ Anggada,….wektu iki kapercayan lagi marang si Anoman, nanging ora kok jeneng aku bakal nyilikake lelabuhanmu kuwi ora, Ang gada. Mengko liya wektu bakal klakon sira dadi utusaning jeneng ingsun”. Mengkono mungguh kang dadi sabdaning Prabu Rama.

Iki ora beda klawan keng paman Pandhawa ngger. Wektu iki lagi Tetuka sing dipercaya, mengko gentenan ya ngger. Bubar adimu ing Pringgondani banjur sira kulup Boma Narakasura. Nangi ng kanti dedasar ngetokake disik ing reh lelabuhanmu marang para Pandhawa kuwi mau kulup Boma Narakasura.

Boma         :  Nyuwun pangapunten wa Prabu. Boma sowan mriki menika mboten sowan dateng uwa prabu Baladewa. Nanging Boma sowan mriki menika sowan kanjeng dewoji.

Saha malih nyuwun duka wa, wekdal menika kula dereng mbetahaken wejanganipun siwa Mandura, kula namung bade nyuwun pangestunipun kanjeng rama.

Baladewa   :  Lo lo lo……ko sik. Ko sik…..weeeh …… rada sengkring bocah iki……………………Boma

Boma          :  Kula wonten dawuh.

Baladewa  :  Mara coba eling elingen ngger… Kang wa Mandura iki yen karo keng rama Dwara wati kapernah apa ?

Boma           :  Kadangipun wreda.

Baladewa    :  Wis ngerti ?

Boma           :  Sampun.

Baladewa    :  Lok ing jana kadang wreda iku liruning sudarma. Ateges….sitik akeh kuwi keng wa Mandura uga darbe wewenang tumrap marang Praja Dwarawati. Sabab ,….aku iki wakmu. Pakmu gede aku iki ngger. Sitik akeh jarene aku ya duwe kawajiban melu ngulatake lan nggula wentah marang sira kulup Boma. Ning kena apa kok mbanjur kaya ngono aturmu. Apa yen ngono kowe bakal nyingkur marang pun wa Mandura.

Boma           :  Prekawis alur lan waris mangke dawah kantun wa, margi menika mboten mbetah aken naluri, mboten mbetahaken alur waris. Kula mbetahaken pangestunipun kanjeng dewoji

Baladewa    :  Weee laaa…..Yayi.

Kresna         :  Kula wonten dawuh.

Baladewa  :  Pun kakang mung ngemutke lo dhi. Marga yayi Prabu wis kaloka titising sangh yang suman. Mangka Wisnu kuwi dewaning banyu, banyu kuwi panguripan. Yen panguripan mla ku ajeg manjing dadi katentreman. Ateges,…yayi Prabu dadi dewaning katentreman. Ingkang mangkono , pun kakang ora bakal kekilapan ma rang penggalihing yayi Prabu ing Dwarawati.

Kresna         :  Kawula nuwun inggih,…….kulup Boma

Boma           :  Nuwun kula.

Kresna      :  Upamane pun bapa ora mangestoni , ora anglilani panyuwunmu kepriye ngger Boma.

Boma         :  Wee lah dalah, dewoji…Menawi ngantos dewoji mboten nglilani panyuwunan kula menika menapa mboten klintu. Sabab menapa, ….mangga keparenga menggalih dewoji. Wiwit kula dados yoga paduka ngantos sepriki menika, kula nate gadah panyuwunan menapa dateng paduka dewoji. Kula petang, kula dereng nate gadah panyuwun dumateng paduka dewoji. Kula ageng, ageng piyambak. Kula jumeneng ratu wibawa, kula pados negari piyambak. Dereng nate gadah penyuwun blass, katemben menika kula gadah panyuwun kenging menapa paduka dewoji mboten ngudaneni.

Ing mangka, menawi kula kelampahan dados senopati, ingkang bade kajunjung asmanipun mbo ten namung pun Boma, nanging ugi bade njunjung asmanipun dewoji. Kosok wangsulipun, me nawi ngantos Boma mboten kelampahan dados senopati, lingsem kula inggih bade nyempyok da teng paduka dewoji. Ingatasipun anak ratu tur turun dewa pisan njaluk kaya mengkana wae kok ora klakon…Lo menika… Ingkang bade lingsem inggih paduka dewoji piyambak. Lan malihipun, menawi ngantos paduka dewoji mboten mangestoni dumateng panyuwun kula, lajeng wonten pundi dununging tembung anak polah bapa kepradah , dewoji.

Baladewa    :  Yayi

Kresna         :  Kula wonten dawuh.

Baladewa    :  Nadyan bener ana tembung anak polah bapa kepradah, nanging siadi kudu nonton polahing anak disik. Polahing anak mau priye , kira kira bakal kapitunan apa ora. Yen ora gawe tuna wajib wong tuwa mradahi. Nanging yen to pancen polahing anak kuwi bakal gawe pituna, oo…ooo…yayi….kudu ngati ati…..Marga nyatane ora kurang lelakon, saka banget sihing wong tu wa marang anak, nuruti marang kareping anak, nganti si wong tuwa mau kelangan drajat klawan pangkat, ya mung sabab kleru tumindaking si anak, dilabuhi wong tuwa, nganti bisa nglengsera ke marang palenggahane, yayi..

Yen yayi Prabu mengko nganti ndombani marang si Boma, mangka kuwi kliru, ooo….ora jeneng aneh,… sitike bakal kisinan , gedene bakal tetel pangkat drajatmu, yayi.

Boma        :  Dewoji ,  kula suwun ampun ngantos dewoji midangetaken kongkang ingkang mangungkung wonten salebeting eleng. Kodhok menika swantenipun sora, namung mboten ndayani menapa menapa.

Baladewa    :  Lho ko sik..Yayi Prabu aja ngurusi gurem keceker lo dhi. Marga pun kakang nge man marang si adhi

Ada ada greget saut

Leng lenging driya mangu mangu dst….

Kresna            :  Kaka Prabu,

Baladewa       :  Priye dhi

Kresna          :  Sadereng saha sasampunipun ri paduka nyuwun pangapunten bilih anggen kula bade paring karampungan menika mangke, tetela beneh kaliyan pemanggihipun paduka kaka Prabu.

Baladewa       :  Hya ,mangsa bodoa…Ing atase urip ana alam kang merdika, beda penemu kuwi kena, waton bedaning penemu mau aja nganti ngobrak abrik marang katentreman ,yayi.

Kresna            :  Kula nuwun inggih…. Kulup Boma

Boma               :  Nuwun kula

Kresna         :  Ingsun nglenggana ngger. Salawase dadi wong tuwamu pun bapa durung nate sabiyantu marang sira kulup, Boma. Salawase dadi atmajaku, sira kulup durung nate darbe panyuwun marang pun bapa. Destun temen ingatase Boma nyuwun, mangka bakal angluhurake asmaning sudarma kok nganti pun bapa ora mituruti, mangka gegayuhanmu mau luhur, katitik bakal soroh bau totoh nyawa, ing pangajab amung bakal kanggo tetombok marang kaluhuraning asma para pamanmu Pandhawa. Ateges sira kulup bakal nyambung lelabuhaning pun bapa.

Boma           :  Kawula nok non

Kresna       :  Ingkang mangkono kulup, Boma … … aja kwatir, sepisan ingsun paring pangestu marang gegayuhanmu. Kaping pindhone ingsun bakal sabiyantu kepriye bisane sira kulup Boma madeg senopati nyenopateni para Pandhawa.

Suluk greget saut: TANDANG SRI BALADEWA. NENGGALANIRA PINUSTI ING ASTA . SWANDANA UMANGSAH.    PRAPTENG RANANGGANA. UMIYAT YITMA.   KRURA SRU WIRODRA. KYANA PATIH PANCAT NYANA. UMANGSAH PATUK. SAMYA WAHANA. DWIPANGGA NGUDENDA.       O……..

Baladewa       :  Yayi Prabu

Kresna            :  Kula wonten dawuh

Baladewa       :  Gandeng wus suwe pun kakang ana Praja Dwarawati, mangka satemene pun ka kang selak kepengin nyumurupi kaya ngapa kahanane putramu ing Pringgondani. Ingkang mang kono yayi, gandeng si adhi lagi ana dayoh aja nganti pun kakang ngganggu marang kamardika nmu, yayi Prabu pun kakang njaluk pamit arep mangkat didik yayi Prabu.

Gangsa srepeg seseg