SEMAR MBARANG JANTUR
FLASH BACK :
Kartapiyogo kang wus klakon ndusta
Dewi Erawati arep kapundut garwa.Sang
Dewi kang wus tanpa daya gelem kapundut garwa nanging njaluk dikemaru karo
adine yaiku Dw Surtikanti.Kartopiyogo saguh banjur budal marang Mandaraka arep
laku duratmaka maneh.Nadyan wis dielikake karo togog lan Bilung nanging ora
nggugu.
JAJAER 1 : PRAJA ASTINA
Pr
Destarastra , Dw Gendari , Kurupati , Sengkuni , Durna
Wos ginem; ngrembak anggone arep nglamar putri Mandaraka Dewi Erawati putra Prabu
Salya kanggo garwane Kurupati. Banjur pada budal sang nata kondur ngedaton.
LIMBUKAN
STRAT ; Alun-alun
Astina Budalan Kurawa
Ing
marga kepetuk wadya Mandura R Ugrasena R harya Prabu Rukma kang lagi diutus
ngupadi murcane R
Kakrasana.Sulayaning rembug dadi
perang wadya Ngastina kasoran banjur nyimpang marga.
JEJER 2 ; PRAJA MANDARAKA
Pr Salya , Rukmarata . Pt Tuhayata
, Premadi
Wos ginem : ngrembuk murcane Dw
Erawati dening duratmaka.nganti sang prabu nganakake sayembara : sing sapa bisa
nemokake sang Dewi yen wanita arep kinadangake yen priyo bakal
didaupake.Premadi saguh sabyantu bakal ngupadi sang Dewi kalilan manjing
kedaton pamit lan para kadang Mandaraka.
Praptane Durna Sengkuni perlu
nglamar Dewi Erawati kanggo Prabu Kurupati, gandeng sing dilamar ilang mangka
sang Prabu wus nibakake sayembara mula Durna cs saguh ngupadi trus budal.
Rukmarata kadawuhan mbiwarakaken sayembara
ing alun- alun bareng lan kadang wadya,sendika bidal kepetuk wadya Tirta
Kandasan dadi prang buta kasor , Rukmarata bali asung palaporan.
STRAT: KENYA PURI
MANDARAKA
Permadi ketemu Dw Surtikanti,Sang
Dewi kasmaran nanging Permadi tan nanggapi,malah mlayu tumuju patunggone
Banowati. Surtikantikagol atine banjur ipat-ipat ; muga muga ing tengah alas
Permadi keluwen.
KOCAP :Permadi ketemu Banowati
pada senenge nuli pada karon asmoro,karana tan ana kang memalangi, bareng purna
Permadi pamit bakal nglacak maling aguna kalilan bidal.
GARA- GARA
JEJER 3 ; KARANG
GUMENGGENG
Permadi kahadep Semar cs
WOS GINEM : kaajak nglacak maling banjur
budal.petuk wadya buta prang ricik buta mawut.Permadi kena walate dw Surtikanti
banjur semaput merga kaluwen panakawan pada tangisan,banjur dawuh Semar cs kon
ngupaya boga.ponokawan banjur budal kanti srana dadi tukang barang jantur.
STRAT ; PERTAPAN
SONYAPRINGGO
Lara Ireng kahadep emban rumangsa
kasepen anggone nderekake ingkang raka Wasi Jaladara kang lagyo teteki,
dumadakan keprungu swara kendange tukang barang jantur.mula emban kadawuhan
nimbali.Bareng Semar sowan nuli rembugan bab opah,Petruk nembang;
Ongkose telung duwit kula mboten
sakit, sabenggol kula mboten
mrongkol, sarupiyah sampeyan mboten
susah, selawe sampeyan mboten dadi kere, yen skeet saya rumaket.
Bab sajen-sajen ;
Sega liwet iwak duduh
Sambel goring tur
petene wutuh
Botok saren ambane
aspiring-piring
Iwak empal abon remuk
Datan lali ceplok endog
Tumpeng ketan nganggo lawuh
Gecok lele imbuh baying telung puluh
Pindang urang gedene
sadriji-driji
Sambel pecel sega wuduk
Ora lali goreng oncom
Tukon pasar kudu wutuh
Jenangipun uga warna
pitu
Kacang bawang emping
mlinjo garing garing
Mbang setaman gudang
garam kanggo udud
Klambi ijo
moblong-moblong
Berasipun limang beruk
Panggang ayam lanang wadon sing remasul
Peyek kacang omben-omben limun
weski
Yen wus warek keparenga kita
mantuk
Mung punika atur hamba
Kabeh panyuwune Pitruk diwujudi dening emban
mula banjur wiwit pada njantur
Semar ; ndongeng
kang surasane nyemoni Loro Ireng nalika ditulungi dening Premadi nalika Bratajaya dioyak- oyak wadya balane Pr
Kangsa. Rampung ndongeng banjur sulapan pace dadi kucing.
Gareng : sulapan
godong pari dadi wader
Bagong : sulapan
gedang dipangan dadi ilang
Petruk : sulapan
jagung dadi baya.Mbareng Petruk sulapan sang Dewi kamigilan trus semaput.Semar
cs kaget mula sajen-sajen karakut dadi siji sowan Premadi.
KOCAP : Bareng Permadi nampa
boga saka Semar, banjur duka awit kaya pakan sona nuli budal sarwi ngunus
curiga arep soroh amuk marang kang maringi teda, semar cs nututi.
Kacarita : Emban anggone
nglipur gustine wus eling, tekane Permadi soroh amuk , Lara Ireng mlayu sowan
raka Jaladara.Bareng ngerti Jaladara ya Kakrasana Permadi luluh dukane.nuli
sarembug nglacak malingsarana manjing kenyapuri Mandaraka anggone Jaladara
nampa wangsit , banjur budal kaderekake Semar cs.
JEJER 4 :
MANDARAKA
Pr Salya nampa sowane Premadi
Jaladara cs
Permadi matur yen Jaladara tampa
wangsit,mula pamit manjing Kenya puri wus kalilan banjur budal.Ing Kenya puri
Jaladara gawe sandi
Umpamane Petruk
muni : Jaran sing nyauri muni Kepang
Mangan sing nyauri muni Pari
Klambi sing nyauri muni Abang
Sing sing nyauri muni Marahi
Banjur budal andum gawe,sing
keri Premadi Banowati Pitruk lan Bagong
Tekane Kartapiyogo tanding lan
Jaladara anggone nggurdah maling mlayu ngliwati Premadi cs banjur melu
tumandang.
JEJER 5 : KENYA
PURI TIRTA KANDASAN
Dw Erawati kahadep emban
Wos ginem :bab anggone Kartopiyogo
kasuwuni kudangan nyuwun dikemaru adine sejatine kanggo njlomprongake sarto
amrih kepenak anggone nyekel Kartapiyogo,tekane rayi Premadi sang Dewi bungah.
Tekane Kartopiyogo dadi prang
kasor mlayu petuk Jaladara ketaman nenggala sirna.Talingane Kartapiyogo layon
kadokok layang panantang banjur kauntalake pasewakan Tirtakandasan.
STRAT ; TIRTA
KANDASAN
Prb Kurandageni kahadep wadya
ngrasani Kartopiyogo anggone ora ngerti yen diloropake dening Erawati,
dumadakan tibane layon kang mawa layang penantang Sang Prabu nesu banjur
nglabrag.
Kocap : Jaladara kauntal dening
sang Prabu nganti sarirane kari separo, nanging eling duwe nenggala nuli
katamakake marang sang Prabu Kerandageni sirna.Enggar tyase sang Jaladara cs
sabanjure sang dewi kaboyong kondur Mandaraka
Ing marga petuk kurawa cs ngira
yen Premadi cs malinge nuli prang.jaladara kang nggendong Erawati ewuh nggone
arep nandingi para kurawa, tujune teka Ugrasena lan Bratasena sabyantu kurawa bubar
mawut,
Wadya
Tirtakandasan soroh amuk katandingan Bratasena bubar mawut.
TANCEP
KAYON
Tidak ada komentar:
Posting Komentar